luni, 17 decembrie 2007

IOAN CUTOVA

S-amintâ la 13-li di Alunari, 1919, Veria, Machedonia gârţeascâ, ş-muri tu anlu 1992. Tu Grebeni di- tu Gârţii, faţi ghimnazulu românu iu si cunuscu cu unu altu mari poetu armânu Theohari Mihadaş. Tu Romanii si duţi tu anlu 1935. Bitiseaşti Facultatea di Litere şi Filozofie di Bucureşti şi ľea licenţa tu anlu 1946. Lucrâ mulţâ ańi ca profesoru la Liţeili di-tu câsâbadzľi Nâsâudu şi Bistriţa. Tu anlu 1938 îľi si da premiulu “Octavian Goga” trâ poezii. Tru anlu 1946, îľi si da premiulu “Ion Pillat”. Cărţâ: Mihai Eminescu: Luteafirlu pri grailu armânescu, Editura Litera, 1980, Mihai Eminescu. Poezii/ Puizii, (român-aromân), Editura Minerva, Bucureşti, 1981, colaboraţie. Fânarea alu Dioghen, Editura Litera, Bucureşti, 1985. Multi poemi di a lui s-tipusescu tu antologia “Un veac di poezie aromâne, Editura Cartea Românească, Bucureşti,1985.”Trei balade aromâne, H. Cândroveanu, transpuneri Ion Cutova. Curuna a Toamnâljei, Editura Cartea Aromânâ, 1998. Curuna a Toamnâľei, Editura “Dimândarea Pârinteascâ”, 2000.

CHIMATI (II)

Chimati batu
Chiro vâtâmatu
Pondâ Ithacâ,
Dzua ţâ si biţi
Pri iu-ahiursi
Istoria s-tacâ.

Di pri etâ ti-aduşu
Cu plângutu, cu vreari
Geanulu auşu
Işi di-tu zboari.

Ma pţânâ-ţ imnari
Trâ moarti unu buşu
Tu lae bânari
Mi pitricuşi.

CARTI

Nu vrea scriarimu necâ tora aestâ carti,
Ma cucoţľi cântarâ di trei ori tu noapti!
Prindea si zghilescu: “Dumnidzale!
Dumnidzale! Di cari mi alipidai?”
Ş-himu ma auşu dicâtu tini, muma-ńi,
Dicâtu aşi cumu mi ştii,
Apus niheamâ di pâltări,
Ş-aplicatu pristi ntribărili a lumiľei,
Nu ştiu ne asândzâ:
Trâţe mi pitricuşi tu luńinâ?
Maş ta s-imnu pri tu lucruri?
Tra s-lâ facu driptati-aspunânda
Cari-i ma di-averu şi cari-i ma muşatu?
Mşna ńi-astâmuseaşti:îi puţânu?
grailu s-astindzi:îi putânu?
Câţe mi pitricuşi tu luńinâ, muma-ńi?
Câţe mi pitricuşi?
Truplu a meu cadi la coarli a tali
Greu, cu unu puľiu, mortu …

Niciun comentariu: